講下你地最鐘意玩同最唔鐘意玩邊個劇情

消失的人2

綠亞唔計

最鐘意兵堡，最易入手，第一次玩劇情就係玩兵堡，玩左咁五六年見證住兵堡既演變，只要唔係送分既29，識玩下都唔會比人排斥。合作性高，但同時技術高既3v4都有得打

最唔鐘意DOTA，唔係唔鐘意個劇，係唔鐘意玩呢個劇既人。依家開DOTA基本上都係果幾條友，佢地日日咁練咁玩，熟到DOTA 入面既題示都可以背出黎都係好正常，但唔好排斥d新手/中手囉，唔係個個玩DOTA都好似你地咁神。我知DOTA好難2v3，但如果真係只接受高手/神手既唔該拉人果陣講清楚，一係就唔好用樂古，自己搵夠6個人玩。依家無番咁上下既技術根本入去就係比人串同吊，識玩無用，一定要精。咁搞法DOTA遲早好似呢幾年d劇咁慢慢失傳。